Eins wat in suertsje-dei om te beskriuwen. Net dat ik der net fan genoaten haw, allinnich haw ik net it measte belibbe. In koart ferhaaltsje dus hjoed.

Fan ‘e moarn by it moarnsiten haw ik in kertier wurk hân om alles út te lizzen. Nee gjin patat en woarsten (komt my hast de noas út) gewoan in pear stikjes bôle mei sjem. De beste man hat trije kear frege of ik der wol genôch oan hie.

Nei in waarme en wynderige nacht (fentilator stie op fiif), waard ik betiid wekker. Komt fêst fan dat lizzen op it strân, want ik hie ek gjin nocht mear om lizzen te bliuwen. No binne de moarntiden hjir yn Afrika ideaal om om te pielen, dat dit haw ik dan ek mar dien.